भरतपुर, २१ भदौ ।
चितवनमा एमएफटी भेट्रान फुटसल प्रतियोगिता हुने भएको छ । मर्निङ्ग फुटसल टिम (एमएफटी) का आयोजनामा यही भदौ २२ गते शनिबार भेट्रान नकआउट फुटसल टुर्नामेन्ट सुरु हुँदैछ ।
३४ वर्ष भन्दा माथिको भेट्रान फुटसल प्रतियोगिता हुने आयोजकले बताएको छ । एमएफटी मर्निङ फुटसलमा १६ ओटा ओटा समूहले सहभागिता जनाएका छन् भने एकै दिनमा सबै खेल र कार्यक्रम हुनेछ ।
उक्त प्रतियोगिता चितवनको बाह्रघरेस्थित क्यासी फुटसल परिसरमा हुने भएको छ ।
उक्त खेलमा प्रवेश शुल्क चार हजार रुपैयाँ तोकिएको छ भने विजेता टिमलाई चालिस हजार, त्यस्तै उपविजेता टिमलाई बिस हजार रुपैयाँ साथै मेडल, ट्रफी र प्रमाणपत्र दिईनेछ ।
