काठमाडौं महानगरपालिकाले थापाथलीस्थित सुकुम्वासीहरु विरोधमा उत्रेका छन् । महानगरपालिकाले सोमबार बस्ती हटाउन डोजर लिएर गएपछि स्थानीयहरु विरोधमा उत्रेका हुन् । घरेलु हतियारसहित प्रदर्शनमा उत्रिएका सुकुम्बासीबस्तीका स्थानीयले महानगरका मेयरविरुद्ध चर्को नारावाजी गरिरहेका छन् । उनीहरूले ‘बालेन शाह होस् गर, हाम्रो भोट फिर्ता गर । मरे चिहान बाँचे घर, एकता नै हाम्रो भर, गरिब मार्न पाइँदैन । ’ जस्ता नारा लगाउँदै विरोध गरिरहेका छन् ।
झडपमा काठमाडौं महानगरपालिकाका प्रहरी प्रमुख राजुनाथ पाण्डे घाइते भएका छन् । पाण्डेको टाउकोमा चोट लागेको छ । उनको नर्भिक अस्पतालमा उपचार भैरहेको छ । एकीकृत बागमती सभ्यता विकास समितिले ४ मंसिर सम्म अन्तिम म्याद राखेर बस्ती खाली गर्न सूचना जारी गरेको थियो ।
