रौतहट, चैत १९-
रौतहटको देवाही गोनाही नगरपालिकाका मेयरको सट्टामा उनको इंजिनियर ज्वाइले एसईई परिक्षा दिएको खुलेको छ । विद्यालय शिक्षा परीक्षा (एसईई) दिंदै गरेका एक जना नक्कली परीक्षार्थी पक्राउ परेपछि उक्त घटना बाहिर आएको हो । देवाही गोनाही नगरपालिकाका मेयर प्रेमलाल साह कानुको सट्टामा एसईई दिंदै गरेका गरुडा ६ पोठियाहीका कमल साह पक्राउ परेका हुन ।
सिम्बोल नं.३५०३७२८ का विद्यार्थी प्रेमलाल साह कानुको सट्टामा परीक्षा दिइरहेका कमल साहलाई परीक्षा अनुगमन गर्न गएको टोलीले पक्राउ गरेको हो ।
